Медальхэм афэбанэх
БоксымкIэ Адыгеим ипервенствэ щылэ мазэм и 17-м Мыекъуапэ щырагъэжьагъ.
Илъэс 13 — 14, 15 — 16 ыкIи 19 — 22-рэ зыныбжь кIалэхэм ыкIи пшъашъэхэм заушэты. Медальхэр къызэрахьыщтхэм дакIоу, шъолъырым ихэшыпыкIыгъэ командэ хэхьанхэм фэбанэх. Ар къыздэхъухэрэр къэралыгъо мэхьанэ зиIэ зэнэкъокъухэм ахэлэжьэнхэ амал яIэщт.
Iофтхьабзэр Адыгэ къэралыгъо университетым физическэ культурэмкIэ ыкIи дзюдомкIэ и Институт щэкIо. Спортсменхэм пэшIорыгъэшъ зэIукIэгъухэм защаушэтыгъах. Джы непэ сыхьатыр 12-м финалныкъохэр, тхьаумафэм сыхьатыр 11-м финалхэр щыIэщтых. Боксерхэр зэрэзэнэкъокъухэрэм шъуяплъынэу зэхэщакIохэм шъурагъэблагъэ, учIэхьаным пае ыпкIэ лъыптын ищыкIагъэп.