Тикъэлэ шъхьаIэ щыкIощт
Теннис цIыкIумкIэ Къыблэ федеральнэ шъолъырым ичемпионат къэкIощт тхьамафэм Мыекъуапэ щырагъэжьэщт. Мэфи 4-м къыкIоцI спортсменхэр зэнэкъокъущтых.
Щылэ мазэм и 23-м хъулъфыгъэ ыкIи бзылъфыгъэ командэхэм язэнэкъокъукIэ Iофтхьабзэр къызэIуахыщт. ЯтIонэрэ мафэм зизакъоу ешIэхэрэр зэIукIэщтых. Ящэнэрэм бзылъфыгъэхэм ыкIи зэхэпхъагъэхэм финал джэгунхэр яIэщтых. Чемпионатыр хъулъфыгъэхэм язэнэкъокъукIэ аухыщт.
Iофтхьабзэр Адыгэ къэралыгъо университетым и ордэунэу Кобл Якъубэ ыцIэ зыхьырэм щыкIощт.