«Ладэр» къытекIуагъ

ГандболымкIэ Урысыем и Суперлигэ хэт «АГУ-Адыифым» япшIыкIухэнэрэу къытекIуа-
гъэх. Я 19-рэ турым ар Тольятти икомандэу «Ладэм» IукIагъ.
«Лада» — «АГУ-Адыиф» — 31:19 (13:9)
Статистикэм къызэригъэлъагъорэмкIэ, Тольятти икомандэ дешIэныр «АГУ-АдыифымкIэ» сыдигъуи къызэрыкIоп. Мы зэIукIэгъум иапэрэ тайм Адыгеим игандболисткэхэр дэгъоу ешIагъэх, ау ащ икIэухым ехъулIэу бысымхэм яешIакIэ рагъэхъугъ, пчъагъэм хагъахъоу аублагъ. Я 28-рэ такъикъым тикомандэ икапитанэу Кобл Зуретэ ешIапIэм къырагъэкIыгъ, ащ ыуж типшъашъэхэм яешIакIэ къыщыкIагъ. Апэрэ таймыр 13:9-у «Ладэм» ыхьыгъ. ЯтIонэрэм бысымхэр хэпшIыкIэу нахь щылъэшыгъэх. ЦыхьэшIэгъоу ешIагъ къэлэпчъэIутэу Юлия Кунцевич, хьакIэхэм къадзыгъэ Iэгоо 20-м щыщэу 11-р ащ къызэкIидзэжьыгъ. Пчъагъэр 31:19-у зэIукIэгъур аухыгъ.
Никита Дымченкэр — «АГУ-Адыифым» итренер шъхьаI:
— Апэрэ таймым гъогогъуи 9 Iэгуаор чIэтынагъ. Ащ мэхьанэшхо иIагъ. Тикомандэ иешIэкIо анахь дэгъухэм ащыщым кар-
точкэ плъыжьыр къызэрэрагъэлъэгъугъэм иегъэшхо къэкIуагъ. Ащ къыхэкIыкIэ ятIонэрэ тай-
мым тигандболисткэхэм яешIакIэ къыщыкIагъ, «Ладэм» ар къыт-
фигъэгъугъэп, псынкIэу ыпэ илъызэ пчъагъэм хигъэхъуагъ.
«Ладэм» щешIагъэх: къэлэпчъэIутхэр — Кунцевич, Семинар. Дворцеваяр — 4, Блохинар — 4, Фоминар — 3, Жилинскайте — 3, Судаковар — 3, Островскаяр — 2, Соковар — 2, Миловар — 2, Осиповар — 2, Терлецкаяр — 2, Матюхинар — 2, Горшенинар — 1, Коста — 1.
«АГУ-Адыифым» хэтыгъэх: къэлэпчъэIутхэр — Баскаковар, Пивневар, Гобадзе. Суздальце-
вар — 6, Бондаренкэр — 4, Къэбжьыр — 3, Коблыр — 2, Болоба — 1, Алексеевар — 1, Краснокутскаяр — 1, Коваленкэр — 1.
Узэрежэнэу щытэу «Астраханочкэм», «ЦСКА-м» ыкIи «Звездам» текIоныгъэхэр къыдахыгъэх.
Я 19-рэ турым изэфэхьысыжьхэр:
«Университет» — «Астраханочка» — 24:38, «Лада» — «АГУ-Адыиф» — 31:19, «Звезда» — «Луч» — 31:24, «ЦСКА» — «Динамо-Синара» — 35:30.
КъыкIэлъыкIощт зэIукIэгъур «АГУ-Адыифым» Ижевскэ щыриIэщт, щылэ мазэм и 17-м командэу «Университетым» дешIэщт. Типшъашъэхэм гъэхъагъэхэр ашIынхэу афэтэIо.