Налщык щызэрэугъоигъэх
Къэбэртэе-Бэлъкъар Республикэм икъэлэ шъхьаIэ щызэхащэгъэ егъэджэн-зыгъэсэн угъоинхэм Адыгеим идзюдоистхэр хэлэжьагъэх.
Спорт комплексэу «Гладиаторым» щыкIогъэ Iофтхьабзэм Урысыем ишъолъыр 23-мэ ыкIи Казахстан яспортсмен 600 зэрищэлIагъ. Ахэм ахэтыгъ Казахстан къэзыгъэлъэгъорэ дзюдоист ныбжьыкIэу Нурлан Исатаевыр. Мыщ блэкIыгъэ илъэсым дунаим ипервенствэу кадетхэм азыфагу щызэхащагъэм текIоныгъэр къыщыдихыгъ.
Iофтхьабзэм хэлажьэхэрэм шIуагъэ къытэу загъэсэным фэшI тхьамафэм къыкIоцI мафэ къэс бэнэгъуи 7 — 8 яIагъ. IэпэIэсэныгъэу урысые ыкIи шъолъыр мэхьанэ зиIэ первенствэхэм къащашъхьэпэжьыщт.