Ростов-на-Дону щешIагъэх

«АГУ-Адыифым» иныбжьыкIэ командэ Ростов-на-Дону ешIэгъуитIу щыриIагъ.
Урысыем ипервенствэ я 4-рэ чIыпIэр щызыIыгъ «Ростов-Дон-3-УОР» зыфиIорэм дешIагъ.
ЗэIукIэгъуитIури очко 12-кIэ ыпэ итхэу бысымхэм ахьыгъ — 34:22 ыкIи 35:23. «АГУ-Адыиф-2-м» хэт Елизавета Зарецкаям тигъэгушIагъ, ащ гъогогъу 15-рэ гъэлапчъэм Iэгуаор дидзагъ. Мы ешIэгъухэм ауж тикомандэ я 12-рэ чIыпIэм къэнагъ. Щылэ мазэм и 25 — 26-м «Луч-3-р» тихьакIэщт.