ИлъэсыкIэ чъыгхэм ягъэкIодыжьынкIэ шапхъэхэр
МэфэкIхэм ауж цIыфхэм илъэсыкIэ чъыг цIыкIухэр радзыжьынхэу рагъажьэ.
Хабзэ зэрэхъугъэу, щылэ мазэм и 14-м ыуж ахэр яунэхэм къарахыжьых.
Компаниеу «ЭкоЦентрэм» шъугу къегъэкIыжьы, нэмыкI хэкIхэм афэдэу мыхэри Iуащых, ахэр нэужым агъэфедэжьынхэм фагъэхьазырых. Ащ фэшI шапхъэу щыIэхэр жъугъэцэкIэнхэу тышъолъэIу:
— илъэсыкIэ чъыгыр ишъудзыжьыным ыпэ ащ пышIэгъэ джэгуалъэхэр ыкIи нэмыкI пкъыгъоу пылъхэр пышъухых;
— хэкI пытэхэр зыдэщылъ чIыпIэм е хэкIитэкъупIэм пэгъунэгъоу чъыгхэр жъугъэтIылъых. Ащ нэмыкIэу хэкI пытэхэм афытегъэпсыхьэгъэ хэушъхьафыкIыгъэ чIыпIэхэри къызфэжъугъэфедэнхэ шъулъэкIыщт;
— пыдзэфэ пытэхэр зыратэкъорэ къэмланхэм чъыгхэр арышъумылъхьэх, коммунальнэ къулыкъум иIофшIэнкIэ ащ зэрар къекIыщт.
Чъыгэу къаугъоигъэхэр зэкIэ къэкIырэ пыдзафэхэм афытегъэпсыхьэгъэ хэушъхьафыкIыгъэ чIыпIэхэу Мыекъуапэ ыкIи Адыгэкъалэ адэтхэм шъолъыр операторым ещэх. А чъыг лъэпкъхэм нэужым чIыгъэшIухэр ахашIыкIых.
«ЭкоЦентрэм» ипресс-къулыкъу.