Адыгеим щыпсэурэ хъулъфыгъэм иавтомобиль ыгъэфедэнымкIэ фитыныгъэр зыIахым ыуж гъогурыкIоныр щынэгъончъэнымкIэ Къэралыгъо автоинспекцием къытырилъхьэгъэ тазыр 200-м ехъу къыпщыныжьыгъ.

Кощхьэблэ районым щы­псэурэ хъулъфыгъэм сомэ мин 700 фэдиз зытефэрэ Iоф 212-рэ къыфызэIуахыгъ. Ащ ренэу гъогурыкIоным ишап­хъэхэр зэриукъохэрэм къы­хэкIэу мыщ фэдиз тазыр зэ­IуигъэкIагъ.
Хьыкум приставым хъулъфыгъэ ныбжьыкIэм ылъэныкъокIэ Iоф къызэIуихыгъ, ар зэрыт тхьапэр ащ IэкIигъэ­хьагъ. Ау хэбзэгъэуцугъэм къы­гъэнэфэрэ пIалъэм ехъу­лIэу чIыфэр къызэкIигъэкIо­жьын ыдагъэп. ХэбзэухъумэкIо къулыкъухэм пэшIоры­гъэшъ Iофтхьабзэ рагъэкIокIызэ чIыфэ зытелъым иавтомобиль агъэунэфыгъ ыкIи къа­гъэу­цугъ. Мы чIыпIэм хьыкум пристав­хэр псынкIэу къэсыгъэх ыкIи автотранспортым арест тыралъхьагъ. Ар амыщэ­ным фэшI хъулъфыгъэм телъы­гъэ чIыфэр зэкIэ къып­щыны­жьыгъ.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.