Урысыем и Следственнэ комитет Адыгэ Рес­публикэмкIэ иследст­веннэ гъэIорышIапIэ Тэхъутэмыкъое районымкIэ иследственнэ отдел Урысые Федерацием и Уголовнэ кодекс ия 272-рэ статья ия 4-рэ Iахь, ия I59.6-рэ статья ия 3-рэ Iахь ипунктэу «в»-м зигугъу къашIырэ бзэджэшIагъэхэр зэрэзэрахьагъэм епхыгъэу уголовнэ Iофэу къызэIуахыгъагъэм изэхэфын ыухыгъ.

Следствием нафэ къызэ­рэфэхъугъэмкIэ, 2024-рэ илъэ­сым имэлылъфэгъу-жъоны­гъо­кIэ мазэхэм зыныбжь имы­къугъэ кIалэм Адыгэ Рес­публикэмкIэ Тэхъутэмыкъое районым щыIэзэ, цIыфхэм ашъхьэ фэгъэхьыгъэ къэбархэр мобильнэ телефонкIэ хэбзэнчъэу къызIэкIигъэхьагъэх ыкIи чIыфэхэр къаратынхэмкIэ электрон лъэIу тхылъхэр ахэм ацIэкIэ банк горэм фигъэхьыгъэх.
Сомэ миллионрэ мини 186-рэ хъурэ чIыфэу банкым къы­тIупщыгъэр бзэджашIэм хэбзэнчъэу къызIэкIигъэхьагъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и Гъэ­IорышIапIэрэ Урысыем хэ­гъэгу кIоцI IофхэмкIэ и Министерствэ Адыгэ РеспубликэмкIэ и ГъэIорышIапIэрэ зэшIуахыгъэ Iофтхьабзэхэм яшIуагъэкIэ бзэджашIэм игъогупэ пыбзыкIыгъэ хъугъэ. Уголовнэ Iофыр хьыкумым IэкIагъэхьагъ.
Урысыем щынэгъончъэнымкIэ и Федеральнэ
къулыкъу АР-мкIэ и ГъэIорышIапIэ ипресс-къулыкъу.