Адыгэ Республикэм ижурналистхэу, икъэбарлъыгъэIэс амалхэм яIофышIэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым – урысые хэутыным и Мафэ фэшI тышъуфэгушIо!
Журналист сэнэхьатым непэрэ щыIакIэм мэхьанэу щыриIэр ин дэд. Къэбар жъугъэм илъэхъан хъугъэ- шIагъэхэр икъоу цIыфхэм зэхафынхэмкIэ, анахь мэхьанэ зиIэхэр къахагъэщынхэмкIэ, хъурэ-шIэрэм еплъы­кIэ тэрэз фыряIэнымкIэ ахэм яшIогъэшхо къэкIо.
Шъо шъуиIэпэIэсэныгъэ, къэбарэу алъыжъугъэIэсырэм шъыпкъагъэр ылъапсэу зэрэщытым яшIуагъэкIэ цIыфхэми хъурэ-шIэрэмэ осэ тэрэз афашIын алъэкIы, унэшъо гъэнэфагъэхэри ахэм ялъытыгъэу аштэх.
Шъуикъэлэмыпэ чанэу, къэжъугъэхьазырырэ тхыгъэхэр патриотизмагъэм къыфаджэхэу, къыткIэхъу­хьэхэрэр цIыфыгъэ шэпхъэ дахэхэм арыгъозэнхэм тегъэпсыхьагъэу щытынхэм шъунаIэ ренэу тежъугъэтыным мэхьанэшхо иI.
Адыгэ Республикэм ижурналистхэм лъэшэу тафэраз гуетыныгъэ ахэлъэу япшъэрылъхэр зэрагъэцакIэхэрэм пае. Тиреспублики, ти Хэгъэгушхоу Урысыери нахь зэтегъэпсыхьагъэ хъунхэм пае шIуагъэ хэлъэу тизэ­дэлэжьэныгъэ гъэпсыгъэ хъуным тыщэгугъы.
Псауныгъэ пытэ, щыIэкIэшIу шъуиIэнэу, творческэ гъэхъэгъакIэхэр шъушIынхэу, гуетыныгъэу шъухэ­лъым къыкIимычынэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр