Прокуратурэм икъулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

ШъуимэфэкIыкIэ – Урысые Федерацием и Прокуратурэ иIофышIэ и МафэкIэ тышъуфэгушIо!
Илъэс 300-м ехъугъэу прокуратурэр хэбзэгъэ­уцугъэхэм алъыплъэзэ, Урысыем ихэбзэухъумэкIо системэ мэхьанэшхо зиIэ чIыпIэ щиубытыгъ, тикъэралыгъо ицыхьэшIэгъу пытапIэу, ащ ыкIуа­чIэрэ изэфагъэрэ ятамыгъэу хъугъэ.
Прокурорхэм, хабзэм иухъумакIохэм IэпэIэсэныгъэ ин ахэлъын, пшъэдэкIыжьышхо зэрахьырэр зэхашIыкIын, яцIыфыгъэ напэ къабзэу япшъэрылъхэр агъэцэкIэнхэ фае.
Адыгэ Республикэм и Прокуратурэ иIофышIэхэм якъулыкъу пшъэрылъхэр дэгъоу агъэцакIэх, тиреспублики, тихэгъэгуи хэхъоныгъэ ашIынымкIэ яшIуагъэ къагъакIо, обществэм правовой культурэ хэлъынымкIэ афэлъэкIыщтыр ашIэ.
Республикэм и Прокуратурэ ипащэхэм ыкIи иIофышIэхэм тафэраз къэралыгъо хабзэм ишъо­лъыр къулыкъухэм дэгъоу зэрадэлажьэхэрэм, пшъэдэкIыжь зэрахьырэр икъоу зэрэзэхашIыкIырэм апае.
Анахьэу тигущыIэ фабэхэр зыфэдгъазэхэрэр ащ иветеранхэр ары. Илъэсыбэрэ гуетыныгъэ фыряIэу япшъэрылъхэр зэрагъэцэкIагъэхэм, ныбжьыкIэхэм япIунрэ ягъэсэныгъэрэ яIахь зэрахашIыхьагъэм апае лъэшэу тафэраз.
Псауныгъэ пытэ, щыIэкIэшIу зэкIэми шъуиIэнэу, Адыгэ Республикэмрэ Урысыемрэ яфедэ зыхэлъ IофшIэным гъэхъэгъакIэхэр щышъушIынхэу шъу­фэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр