Щылэ мазэм и 7-р – Иисус Христос къызыхъугъэ маф
Адыгэ Республикэм ис чыристанхэу лъытэныгъэ зыфэтшIыхэрэр!
Иисус Христос къызыхъугъэ мафэмкIэ тышъуфэгушIо!
Мы мэфэкI нэфым цIыфхэр зэкъуегъэуцо, шIушIэным, гукIэгъу ахэлъыным, джэныкъо машIор амыгъэкIосэным, къапэблагъэхэм афэгумэкIынхэм ар къафэджэ.
ЛIэшIэгъубэ хъугъэу ащ фэдэ цIыфыгъэ шэпхъэ лъагэхэм обществэр арэгъуазэ. Урысыем исхэм ялъэпкъ зэхашIэрэ ящыIэкIэ-псэукIэрэ зыкъягъэIэтыгъэным обществэм хэбзэшIоу хэлъхэр лъыгъэкIотэгъэнхэм, лIэшIэгъубэмэ къакIоцI Урысыем ис лъэпкъхэм азыфагу илъ хъугъэ лъытэныгъэм, зэгурыIоныгъэм ягъэпытэн ахэр афэIорышIэх.
Иисус Христос къызыхъугъэ мафэм ехъулIэу Адыгеим ис пстэуми афэтэIо псауныгъэ пытэ, щыIэкIэ-псэукIэ дэгъу яIэнэу, насыпышIонхэу, гушIуагъом щымыкIэнхэу! Мы мэфэкI мафэхэм гушIогъуабэ къышъуфахьынэу, шъуигупсэхэмрэ шъуиIахьылхэмрэ ягуфэбэныгъэ къышъулъыIэсынэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет - Хасэм и Тхьаматэу Владимир Нарожнэр