2023 — 2024-рэ ­илъэс еджэгъум изэфэхьысыжьхэмкIэ, Адыгеим щы­псэурэ ныбжьыкIэ­хэу лъэныкъо зэфэшъхьафхэмкIэ къыхагъэщыгъэхэм рес­публикэ естественнэ-хьисап еджапIэм щафэгушIуагъэх.

Iофтхьабзэм хэлэжьагъэ­хэм шIуфэс гущыIэхэмкIэ закъыфигъэзагъ АР-м гъэ­сэныгъэмрэ шIэныгъэм­рэкIэ иминистрэ игуадзэу Артем Журавель. Къахагъэщыгъэ ныбжьыкIи 10-мэ ар къафэгушIуагъ, тапэкIи гъэхъагъэхэр ашIынхэу къафэлъэIуагъ.
«ШIэныгъэ-техническэ творчествэр ыкIи гъэсэныгъэ-ушэтын IофшIэныр» зыфиIорэмкIэ анахь дэгъу­мэ ащыщ хъугъэх Мые­къопэ гимназиеу N 22-м щеджэрэ Мария Бучац­каяр, Тэхъутэмыкъое районым ит гурыт еджапIэу N 5-м икIэлэеджакIоу Гаджый Самирэ, Кощхьэ­блэ районымкIэ гурыт еджапIэу N 9-м икIэлэ­еджакIоу Гъажэ Миленэ, Мыекъопэ лицееу N 35-м чIэс Мэрэтыкъо Даринэ. Лъэныкъоу «Любительский спорт» зыфиIорэмкIэ кIэлэцIыкIу спорт еджапIэхэм якIуалIэхэрэр къыхагъэщыгъэх: АдыгэкъалэкIэ Хьакомэ Азамат, Шэуджэн районымкIэ Ордэкъо Астемыр, Джэджэ районымкIэ Ульяна Симененкэр, джащ фэдэу Теуцожь районымкIэ гурыт еджапIэу N 1-м икIэлэеджакIоу Тыгъужъ Тимур, Красногвардейскэ районымкIэ еджапIэу N 10-м щеджэрэ Мария Шашуринар, Мыекъопэ районым ит гъэсэныгъэ гупчэу N 2-м чIэс Анастасия Мельниковар.
РеспубликэмкIэ анахь къахэщыгъэ ныбжьыкIэхэм илъэс къэс ахъщэ шIухьафтынхэр ыкIи тын лъапIэхэр афагъэшъуашэх. Къэралыгъо программэу «Гъэсэны­гъэм ихэхъоныгъ» зыфиIо­рэм ар къыдыхэлъытагъ. ШIухьафтын зытефэхэрэр зэнэкъокъу шIыкIэм тетэу къыхахых.
ДЕЛЭКЪО Анет.