Теннис цIыкIумкIэ Апшеронскэ районым щыкIогъэ зэнэкъокъухэм Мыекъуапэ испортсменхэм апэрэ чIыпIиплI къащахьыгъ.

Тиреспубликэ къэзыгъэлъэгъуагъэхэр къэлэ спорт еджапIэу С.М. Джэнчатэм ыцIэ зыхьырэм зыщызыгъасэхэрэр ары. Апшеронскэ районым, Шытхьалэ, Мые­къуапэ ыкIи ТIуапсэ яспортсменхэу зыныбжь илъэс 15-м шIомыкIыгъэхэм заушэтыгъ.
Зыныбжь илъэси 8-м емыхъугъэхэм якуп хэтыгъэхэ Эльдар Матюшинымрэ Бзаго Даринэрэ текIоныгъэр къыдахыгъ. Мы нэбгыритIум зэIукIэгъу тфырытф ­яIагъ, зэкIэри къахьыгъ. Джащ фэдэу апэрэ чIыпIэр къыдахыгъ Адам Матюшинымрэ Ирина Славновамрэ, Бзаго Дамир джэрз медаль къыфагъэшъошагъ.