Проектэу «Тиунагъо — титекIоныгъ» зыфиIорэм къыдыхэ­лъытагъэу, хэушъхьафыкIыгъэ дзэ операцием хэлажьэхэрэм, иветеранхэм ыкIи хэкIодагъэхэм якIэлэцIыкIухэм апае мастер-классэу «Дышъэ Iапэхэр» зыфиIорэр зэхащагъ.

Ащ кIэщакIо фэхъугъэх къэралыгъо фондэу «Хэгъэгум иухъумакIохэр» зыфиIорэм ишъолъыр къутамэрэ къэлэ художественнэ еджапIэмрэ. КIэлэцIыкIухэм илъэсыкIэ чэ­фыгъор къябэкIэу хьалэмэтыгъэхэр аIэхэмкIэ ашIын амал яIагъ.
Iофтхьабзэм хэлажьэхэрэр купищэу зэтеутыгъагъэх: зыхэм — пцIыикъ чъыг цIыкIухэу дзэ операцием хэлажьэхэрэм яунэхэр зэрагъэкIэрэкIэщтхэр, адрэхэм — жъуагъо зытет открыткэхэр (шIухьафтынэу дзэкIолIхэм афагъэхьыщтхэр) ыкIи ящэнэрэхэм — джэныкъо машIом ифэбагъэ къэзыушыхьатырэ унэ цIыкIухэр ашIыгъэх. Iэпэщысэхэр ашIыхэ зэхъум лъэшэу ныбжьыкIэхэм ягушIогъуагъ.
— Мыщ фэдэ Iофтхьабзэхэм язэхэщэн творческэ амалэу зэрэщытым имызакъоу, Хэгъэгум иухъумакIохэм яунагъохэм тынаIэ зэратетыр, фэбагъэр алъыдгъэIэсыным афэIорышIэх. Ар типшъэрылъхэм зэу ащыщ, — къыIуагъ шъолъыр фондым ипащэ игуа­дзэу Джарымэ Еленэ.
Iэшъынэ Сусан.