Хъудымыжъ нарт лъэпкъэу, Лъэпшъ игъукIэ гъусэу кIочIэ­шхо зыхэлъ цIыфыгъ. Пхъэ кухьиблыр ащ изы тэмэрыхьэу щытыгъэу къаIотэжьы.

Ащ фэдэу зэгорэм мэзым ар къи­кIыжьызэ, ТIатIрыхъу иорэд макъэ зэхихыгъ. Хъудымыжъ къэшъокIо Iазэу щытыгъэти, пхъэ кухьиблыр ытамэ зэ­рэтелъэу, къечъэкIзэ къашъоу фежьагъ. Аущтэу къашъозэ, лъэгъо хъурэешхо риубыкIыгъ, ащ ыгузэгу Iуашъхьэу къэ­нагъ. Ащ джыри Хъудымыжъ иIуа­шъхьэкIэ еджэх.
Непэ къакIорэм ылъэгъунэу Хъудымыжъ иIуашъхьэ Къунчыкъохьэблэ чылэ гузэгум ит. («Нартхэр». А 1-рэ том, н. 249).