Шъыпкъэ, тэ тилъэхъан фэдэу, непэрэ еджэкIо цIыкIухэм ­яадыгабзэкIэ орэд къаIорэп, ар хэгъэкIи, адыгабзэм рыгущы­Iэжьхэрэп.

Ау тиадыгэ усакIохэр дахэу илъэсым иуахътэхэм афэусагъэх, ахэм ащыщыбэр орэдышъом ралъхьагъ.
Осыр къесы
ГущыIэхэр зиер ЯхъулIэ Сэфэр
Орэдышъор — Анзэрэкъо Вячеслав
Бзыуцыфыр ратэкъухьэ
къыпшIуагъэшIэу,
Пщэ нэшхъэйхэм осы шъабэр
чIым къагъэсы.
Къесы, къесы осыцэхэр
хъырахъишъэу
Чъыг къутами, чэу пкъэуи атесэ.
Жъыу: Осыр къесы, осыр къесы.
Чъыг къутами, чэу пкъэуми атесэ.
ТхакIоу Цуекъо Джэхьфаррэ орэдусэу КIыкI Хьисэрэ «Къэгъагъ» зыцIэ орэд псынкIэр зэдаусыгъ.
Жьыбгъэм ыгъэжьэу осыр еIэты.
Хъотым шъхьамысэу лъагэу зеIэты.
Псыхъом фегъазэшъ, алрэгъу тырехъо,
Пщэсы утысэр тыгъэм пэIуехъо.
Жъыу: Ой-ра, о-ри-ра! (3 къаIожьы.)
Унэм симыкIэу къэгъагъ сэгъэкIы,
Псыр сэгъэфабэшъ, игъом кIэсэкIэ.
Дахэу къэкIыгъэшъ — лъэшэу сигуапэ.
ДзэкIо лIыхъужъым икъэ сэфапэ.