Нартмэ гукIэгъушхо яIагъ. Ежьмэ анахь цIыкIоу, анахь макIэхэр щыхьэгъу ашIыщтыгъэхэп ыкIи агу хагъэкIыщтыгъэп — испмэ язаощтыгъэхэп, къаухъумэщтыгъэх нахь.

А хабзэм тетэу псэухэзэ, Исп-гуащэм илI Хъымыщыжъри щымыIэжьэу, ыкъо Пэтэрэзи кIодыгъэу, изэкъо дэдэу къызэнэм, нарт хасэр зэхэтIысхьи, Исп-­гуащэм, жъы дэдэ хъужьыгъэу щытыти, щыIакIэу фэхъущтым тегущыIагъэх.
Хасэм унашъо зыфишIыжьыгъ:
«Исп-гуащэр тинысэ гъэшIуагъэу щытыгъ. Титхъагъуи тигушIуагъуи, тищыIакIэ ыгъэдахэу сыдигъуи тхэтыгъ; тинарт лъэпкъ ыгъэшIуагъ, ылъытагъ. Уасэу къытитыгъэмкIэ тыдэзекIожьын фай. Ащ къыхэкIыкIэ, Исп-гуащэр псаоу дунаим тетыфэкIэ гъэшIоныгъэ фытиIэу тIы­гъынэу къыттефэ. Ыгу хэзыгъэкIырэм псэ­кIодишъэ ышIагъэкIэ тлъытэщт, ащ ыуаси игъо фэтлъэгъущт».
А унашъор агъэуцуи, хасэр зэхэкIы­жьыгъ…
(«Нартхэр». А 1-рэ том.)