Адыгэ Республикэм и Къэралыгъо Совет — Хасэм ия 42-рэ зэхэсыгъо 2024-рэ илъэсым тыгъэгъазэм и 25-м зэIуагъакIэ.

Iофыгъоу зытегущыIэщтхэм мы къыкIэлъыкIохэрэр ахагъэхьагъэх: законопроектхэу Адыгэ Республикэм и Законэу «Адыгэ РеспубликэмкIэ общественностым илIыкIохэу хьыкумышIхэм яквалификационнэ коллегие хэтыщтхэм яхьылIагъ» зыфиIорэм зэхъокIыныгъэхэр фэшIыгъэнхэр, «ЧIыпIэ зыгъэIорышIэжьыным ехьылIагъ», «Адыгэ Республикэм муниципальнэ къулыкъур зэрэщызэхэщагъэм ехьылIагъ», «Адыгэ Республикэм пред­принимательхэм яфитыныгъэхэр къэухъумэгъэнхэмкIэ и Уполномоченнэ ехьылIагъ», «Адыгэ Республикэм гъэсэныгъэр зэрэщызэхэщагъэм ехьы­лIагъ», «Псымрэ чIычIэгъ байныгъэхэмрэ япхыгъэ Iофхэм ягъэзекIонкIэ Адыгэ Республикэм икъэралыгъо хабзэ икъулыкъухэм яполномочиехэр зэтеутыгъэнхэм ехьылIагъ» зыфиIохэрэм апэрэу ахэплъэгъэныр ыкIи нэмыкI Iофыгъохэр.
Адыгэ Республикэм и Къэралыгъо Совет — Хасэм иIофшIэн пчэдыжьым сыхьатыр 10-м ыублэщт, Адыгэ Республикэм и Координационнэ гупчэу Жуковскэм иурам тет унэу N 22-м хэтым ар щыкIощт.
Адыгэ Республикэм и Къэралыгъо Совет — Хасэм
и Тхьаматэу Владимир Нарожнэр