ЧIыгу Iахьым епхыгъэ шхъухьэу зэрихьагъэм пае Адыгеим щыпсэу­рэ хъулъфыгъэмкIэ унашъоу ашIыгъэм хэбзэ кIуачIэ иIэ ­хъугъэ.

Урысые Федерацием ицIыфэу Бгъанэ Хьазраилэ фэгъэхьыгъэ унашъоу хьыкумым ышIыгъэм хэбзэ кIуа­чIэ иIэ хъугъэ. Урысыем и Уголовнэ кодекс ия 159-рэ статья ия 4-рэ Iахь къыдилъытэрэ бзэджэшIагъэр ащ зэрихьагъэу алъытагъ.
Урысыем хэгъэгу кIоцI IофхэмкIэ и Министерствэ и Къутамэ Мыекъопэ райо­нымкIэ иследственнэ отдел уголовнэ Iофэу къыIэтыгъэм лъапсэ фэхъугъэхэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIоры­шIапIэ къыгъэхьыгъэ материалхэр ары.
ГъэIорышIапIэм иIофы­шIэхэм зэрагъэунэфыгъэмкIэ, Хь. К. Бгъанэм администрацием къыIэкIигъэхьэгъэ документ нэпцIхэм бэджэндэу аштэгъэ чIыгум зыщыпсэущтхэ унэ рагъэуцуагъэу арыт, ащ къыхэкIэу ежьыррэ муниципальнэ образованиеу «Дэхъо къоджэ псэупIэмрэ» чIыгу Iахьым ищэн-щэфынкIэ зэзэгъыныгъэ зэдашIынымкIэ лъапсэу ар мэхъу.
Адыгэ Республикэм и Мыекъопэ район хьыкум Хь. К. Бгъанэм бзэджэшIагъэ зэрихьагъэу ылъытагъ ыкIи Урысыем и Уголовнэ кодекс ия 159-рэ статья ия 4-рэ Iахь къызэриIорэм тетэу ус­ловнэу зы илъэсрэ мэзи 6-рэ тырилъхьагъ.
Унашъом хэбзэ кIуачIэ иIэ хъугъэ.хъугъэ.