Муниципальнэ образованиеу «Къалэу ­Мыекъуапэ» иадминистрацие ипащэ ­иапэрэ гуадзэщты­гъэм иIоф аIуагъ ифитыныгъэхэм зэрашъхьадэкIыгъэм фэшI.

Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм-
рэ Урысыем и Следственнэ комитет Адыгэ Республи­кэмкIэ иследственнэ ГъэIорышIапIэрэ зэгъусэхэу гъогур афызэпабзыкIыгъ муниципальнэ образованиеу «къа­лэу Мыекъуапэ» иадминист­рацие ипащэ иапэрэ гуадзэщтыгъэм хэбзэнчъэ Iофтхьабзэу зэрихьэщтыгъэхэм.
Къулыкъум иIофышIэхэм зэрагъэунэфыгъэмкIэ, 2023-рэ илъэсым ижъоныгъокIэ-­мэкъуогъу мазэхэм къэлэ администрацием ипэщэ Iэна­тIэхэм ащыщ ыгъэцакIэзэ, ащ иIофышIэхэм ащыщхэм хэбзэнчъэ унашъохэр афи­шIыщтыгъэх. Ахэр зыфэгъэ­хьыгъагъэхэр къалэу Мые­къуапэ дэт организациехэу гъэсэныгъэ зыщарагъэгъотыхэрэм псынкIэу макъэ зыгъэIун зылъэкIыщт пкъыгъохэр ахэгъэуцогъэнхэмкIэ сатыу организациехэм ащыщ горэм зэзэгъыныгъэ дэшIыгъэныр ары.
Гъэсэныгъэ зыщарагъэ­гъотырэ организациехэмрэ пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэмрэ зэнэкъокъуныгъэу азыфагу илъыр къэу­хъу­мэгъэным фэгъэхьыгъэ хэбзэгъэуцугъэу щыIэр ыукъо­зэ, машIо къэхъумэ автоматическэу макъэ къэзыгъэIущт пкъыгъор (сигнализациер) ахэгъэуцогъэным­кIэ зэзэгъыныгъэ заулэ ади­шIыгъ. Ащ тетэу хъызмэт­зехьэ купмэ яфитыныгъэ­хэмрэ яфедэхэмрэ аукъуагъэх, обществэмрэ къэралыгъомрэ зэрар арахыгъ.
Урысыем и Следственнэ комитет иследственнэ Гъэ­IорышIапIэу Адыгэ Респуб­ликэм щыIэм Урысыем и Уголовнэ кодекс ия 286-рэ статья иа 1-рэ Iахь диштэу (иIэнатIэкIэ фитыныгъэу иIэ­хэм къаригъэхъугъ) уголовнэ Iоф къызэIуихыгъ.
Мыекъопэ къэлэ хьыкумым ар ыгъэпщынагъ: чIыпIэ зыгъэIорышIэжьыным икъулыкъухэм илъэси 2-м къыкIоцI IэнатIэ ащиIыгъын фимытэу ышIыгъ.
Унашъом хэбзэ кIуачIэ джыри иIэ хъугъэгоп.