Адыгэ къэралыгъо уни­верситетым ипрофессориплIымэ «Заслуженный профессор» зыфиIорэ цIэ лъапIэр къафагъэшъо­шагъ.

Урысые общественнэ организациеу «Российское профессорское собрание» зыфиIорэм ыгъэнэфэгъэ шIухьафтыным Урысыем ит апшъэрэ еджэпIи 185-мэ япрофессор мини 6-м ехъу зэрипхыгъ. 2024-рэ илъэсым ащ илауреат хъугъэх ­Адыгэ къэралыгъо университетым ипро­фессорхэу Абрэдж Ачэрдан, КIэрмыт Казбек, Шъоджэ Асиет ыкIи Ангелина Шахановар. Урысые профессорскэ зэхахьэм ипащэу Владислав Гриб мы мафэхэм Адыгеим щыIагъ ыкIи щытхъуцIэр къэзыушыхьатырэ тхылъхэр шIэныгъэлэжьхэм къа­ритыжьыгъ.
Апшъэрэ гъэсэныгъэ зыщызэрагъэгъотырэ гъэсэныгъэ ор­ганизациехэм Iоф ащызышIэрэ шIэныгъэлэжь ыкIи кIэлэегъэджэ пэрытхэр къыхэгъэщыгъэнхэр ары лъэпкъ шIухьафтынэу «Заслуженный профессор» зыфиIорэр зыфэIорышIэрэр.
Адыгэ къэралыгъо университетым ипрофессорхэр лъэны­къуиплIыкIэ къыхагъэщыгъэх: «Филологие шIэныгъэхэр» зыфиIорэмкIэ — филологие шIэныгъэхэмкIэ докторэу, бзэшIэныгъэмкIэ кафедрэм ипрофессорэу Абрэдж Ачэрдан, «КIэлэ­егъэджэ шIэныгъэхэмкIэ» — педагогикэ ыкIи биологие шIэныгъэхэмкIэ докторэу, зэхэт педагогикэмкIэ кафедрэм ипащэу КIэрмыт Казбек, «Философие шIэныгъэхэр» зыфиIорэмкIэ — философие шIэныгъэхэмкIэ докторэу, философиемкIэ ка­федрэм ипрофессорэу Шъоджэ Асиет, «Биологие шIэныгъэхэмкIэ» — биологие шIэныгъэхэмкIэ докторэу, физиологиемкIэ кафедрэм ипащэу Ангелина Шахановар.
Адыгэ къэралыгъо университетым
ипресс-къулыкъу.