Урысые Федерацием щынэгъончъэнымкIэ икъулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ тышъуфэгушIо!
Хэгъэгум ищынэгъончъагъэрэ илъэпкъ федэхэмрэ къэухъумэгъэнхэр хэтрэ цIыфкIи пшъэрылъ лъапIэу щыт. Мы къулыкъухэм Iоф ащызышIэхэрэр яIэпэIэсэныгъэкIи, яблэнагъэкIи ренэу къахэщыщтыгъэх, непи къахэщых.
ПшъэдэкIыжь ин зыхэлъ пшъэрылъхэр зэшIуахыхэзэ, анахь чIыпIэ къин ифагъэхэми, гъэхъагъэ хэлъэу пэрыохъуныгъэхэм апэуцужьых, Конституцием ылъа­псэрэ хэгъэгум изыкIыныгъэрэ къаухъумэ, экстремизмэмрэ терроризмэмрэ апэшIуекIох.
ХэушъхьафыкIыгъэ дзэ операцием епхыгъэ пшъэ­рылъ къинхэу къэуцухэрэр IэпэIэсэныгъэ ахэлъэу ахэм зэшIуахыхэзэ, Урысые Федерацием ищынэ­гъончъагъэ зэщызгъэкъонэу фежьэхэрэм гъогур афы­зэпабзыкIы.
Урысые Федерацием щынэгъончъэнымкIэ и Фе­деральнэ къулыкъу и ГъэIорышIапIэу Адыгэ Рес­публикэм щыIэм иIофышIэхэм ыкIи иветеранхэм
инэу тафэраз къэралыгъом ифедэхэм якъэухъумэнкIэ шIуагъэ къытэу япшъэрылъхэр зэрагъэца­кIэхэрэм, тиреспубликэ иобщественнэ-политикэ зыпкъ­итыныгъэ къэухъумэгъэным яIахьышхо зэрэхашIы­хьэ­рэм апае.
Урысые Федерацием щынэгъончъэнымкIэ икъулыкъухэм яIофышIэ пстэуми тафэлъаIо псауныгъэ пытэ, щыIэкIэшIу яIэнэу, Хэгъэгум ифедэхэм япхыгъэ къулыкъум тапэкIи гъэхъагъэхэр щашIынхэу!
Адыгэ Республикэм и ЛIышъхьэу,
Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр