Къалэу Мыекъуапэ и Прокуратурэ шъущегъэгъуазэ пкъыгъор къэзыгъотыгъэм ар къытыгъугъэу къытыралъхьан зэралъэ­кIыщтым.

Урысые Федерацием и Гражданскэ кодекс ия 227-рэ статья къызэригъэ­нафэрэмкIэ, ашIокIодыгъэ пкъыгъор къэ­зыгъотыгъэм псынкIэ Iофэу ар зышIокIодыгъэм, е пкъыгъор зием, е ар ыштэжьыным ифитыныгъэ зиIэм макъэ аригъэIун фае.
ЗыгорэкIэ пкъыгъор псэупIэ е транспорт кIоцIым къыщагъотыгъэмэ, псэупIэр е транспортыр зием IэкIагъэхьан фае.
Пкъыгъор зиер е ар зыдэщыIэр амыгъэунэфыгъэ хъумэ полицием е чIыпIэ зыгъэIорышIэжьыпIэу зэпхыгъэм макъэ арагъэIун фае.
Урысые Федерацием и Конституционнэ хьыкум къегъэ­нафэ пкъыгъор атыгъугъэу зыплъытэн плъэкIыщтыр:
— пкъыгъор зиер ышIэзэ, ар нэмыкI горэм зыритыкIэ;
— пкъыгъор зием ежь фаеу ридзыгъэу щымыгъуазэмэ;
— пкъыгъор къэзыгъотыгъэм ышIэзэ ыгъэбылъымэ, ар къызэригъотыгъэр ыушъэфэу нэмыкI горэм ритымэ;
— къэзыгъотыгъэм ежь ифедэ хэлъэу пкъыгъор ыгъэфедэмэ;
— пкъыгъор зием ыкIи ар зыгъэфедэн фит цIыфым зэрар рихыгъэмэ.
ЕтIани бзэджашIэу цIыфыр плъытэн плъэкIыщт пкъыгъор зышIокIодыгъэм лъыплъэзэ, ащ зыпари римыIоу шъэфэу ар къызIэкIигъэхьагъэмэ.