Владимир Путиным 2024-рэ илъэсэу икIырэр къызэфихьысы­жьыщт, цIыфэу зыкъыфэзгъэзагъэхэм, ­журналистэу къекIо­лIагъэхэм яупчIэ­хэм джэуапхэр къариты­жьыщтых.

Зэрэхабзэу, ащ пае колл-гупчэхэр Урысыем ишъолъыр­хэм зэкIэми къащызэIуахы­-
гъэх. Адыгеири ахэм ащыщ. Народнэ фронтым хэт гуфэкIо ныбжьыкIэхэм цIыфхэм яуп­­чIэхэр, ягумэкIыгъохэр къаугъоих. Урысыем щыпсэоу нэ­бгырэ миллионитIум ехъумэ къэралыгъом ипащэ зы­фагъэзагъ.
— Республикэм щыпсэу­хэрэми Президентым зыфа­гъазэ, — къыIуагъ Народнэ фронтым АР-мкIэ игъэцэ­кIэкIо Комитет ипащэу Юрий Гороховым. — Ахэм Iофы­гъоу къаIэтыхэрэр линие занкIэр рамыгъажьэзэ дэдгъэзыжьынхэм тыпылъ. Колл-гупчэм чIэс тиIофшIэгъухэм упчIэхэр къы­тIэкIагъахьэх, ахэр къэзытыгъэхэм заIутэгъакIэ. ГущыIэм пае, цIыфхэр зезыщэрэ транспортым изекIон ымыгъэра­зэ­хэу къытеуагъэхэм адэжь ты­щыIагъ, зэхэтфыгъ.
УФ-м и Президент илиние занкIэ щэджагъом, сыхьатыр 12-м рагъэжьэщт. Ар телевидением и Гупчэ каналхэм къа­гъэлъэгъощт. Iофтхьабзэр рагъэжьагъэми, упчIэхэр зэраштэхэрэр зэпагъэущтэп. Пэ­шIорыгъэшъэу зымытышъугъэхэм интернет нэкIубгъор е социальнэ хъытыур къыз­фагъэфедэн алъэкIыщт, телефонымкIэ теохэми хъущт.
Мы Iофтхьабзэм Адыгеим икIыгъэ журналистхэри хэлажьэх.