Къалэу Мыекъуапэ и Прокуратурэ шъущегъэгъуазэ: IэкIыб къэралхэм къа­рыкIыгъэхэр нэпцIкIэ ­регистрацие зышIыхэрэм ыкIи учетым хэзыгъэуцо­хэрэм уголовнэ пшъэдэ­кIыжь арагъэхьын алъэ­кIыщт.

IэкIыб къэралхэм къарыкIыгъэхэу Урысыем псэупIэкIэ къэкIуагъэхэр шъхьэихыгъэу зыщыпсэущтхэ адрес гъэнэфагъэм датхэнэу щыт.
Мыщ дакIоу IэкIыб къэралхэм къарыкIыгъэхэр ыкIи гражданствэ зимыIэхэр регистрационнэ учетым нэпцIкIэ хагъэуцохэ зэрэхъугъэм зиушъомбгъугъ. Ащ къыхэкIэу Урысые Федерацием ис ыкIи къихьэрэ мигрантхэм терроризмэ ыкIи экстремизмэ нэшанэ зиIэ бзэджэшIагъэхэр зэрахьанхэм ищынагъо къэуцу.
2013-рэ илъэсым тыгъэгъазэм и 21-м аштэгъэ Федеральнэ законэу N 376-ФЗ-м къызэригъэнафэу, IэкIыб къэралхэм къарыкIыгъэхэр ыкIи гражданствэ зимыIэхэр нэпцIкIэ регистрацие зышIыхэрэм УФ-м и Уголовнэ кодекс къыдыхэлъытагъэу уголовнэ пшъэдэкIыжь арагъэхьыщт.
Мигрантым нэпцIкIэ регистрацие ышIыгъэу плъытэн плъэкIыщт адресэу зыдатхагъэм е регистрацие зыщашIыгъэм щыпсэун мурад имыIэу шъыпкъагъэ зыхэмылъ документхэр ыгъэпсыгъэхэ хъумэ.
Ащ нэмыкIэу УФ-м и Уголовнэ кодекс истатьяу 322.3-м къызэригъэнафэу IэкIыб къэралхэм къарыкIыгъэхэу Урысыем къи­хьагъэхэр нэпцIкIэ учетым зыгъэуцухэрэм уголовнэ пшъэдэкIыжьэу илъэсищым нэс хьапс арагъэхьыщт.