Урысыем исубъект 77-у шъолъыр ны мылъкур зыщагъэнэфагъэхэм ащыщ Адыгеири. Ахъщэу атыщтыр зыфэдизымрэ шапхъэу пылъхэмрэ шъолъыр пэпчъ щызэфэшъхьаф.

Ящэнэрэ ыкIи ащ къыкIэлъыкIорэ сабыеу 2012-рэ илъэсым ищылэ мазэ и 1-м ыуж унагъом къихъу­хьагъэм пае Адыгеим сомэ мин 50 щаты. АР-м IофшIэнымкIэ ыкIи со­циальнэ хэхъоныгъэмкIэ и Министерствэ къызэ­рэщаIуагъэмкIэ, 2024-рэ илъэсым унэгъо 849-мэ ащ фэдэ IэпыIэгъу афа­гъэкIуагъ.
2025-м ищылэ мазэ и 1-м къыщыублагъэу шъо­лъыр ны мылъкур сомэ мини 100-м нэсыщт. Ащ шапхъэу пылъхэр зэзыгъа­шIэмэ зышIоигъохэр Iоф­шIэнымкIэ ыкIи цIыфхэр социальнэу къэухъумэ­гъэнхэмкIэ АР-м и Гупчэ теонхэ фае.
Мы уахътэм Адыгеим кIэлэцIыкIу зэрыс унэгъо мин 53-рэ щэпсэу, ахэм ащыщэу 9335-мэ сабыи-
бэ апIу. Ащ фэдэ унагъо­хэм япчъагъэ илъэс къэс хахъо.