Россельхознадзорым Къыблэ шъолъырымкIэ и ГъэIорышIапIэ 2024-рэ илъэсым цIыфхэм япсауныгъэкIэ щынагъо къэзытырэ амброзиер Адыгэ Республикэм ичIыгу гектар 36 85-мэ къащыкIэу чIыпIэ 34-рэ кIэу къызэрэхигъэщыгъэм къыхэкIэу карантин атырилъхьагъ. 2024-рэ илъэсым шэкIо­гъум и 1-м ехъулIэу АР-м ичIыгу гектар 247 894,1-м ам­брозиер къащыкIэу чIыпIэ 70-рэ агъэунэфыгъ.
УФ-м ихэбзэгъэуцугъэ къызэригъэнафэрэмкIэ, къэкIыхэрэ уцыжъхэм алъэныкъокIэ шапхъэхэр зыукъохэрэм пшъэдэкIыжь арагъэхьыщт цIыф къызэ­рыкIохэу ыкIи юридическэ цIыфхэу унэе хъызмэт­шIапIэ зиIэхэм ыкIи бэ­джэндэу чIыгу зыIыгъхэм, адрэ чIыгоу зэкIэми зэдагъэфедэхэрэм къащыкIырэ амброзием ебэныгъэнымкIэ пшъэдэкIыжьыр зыпшъэ дэкIыщтыр муниципальнэ образованиехэм яадминистрациехэр ары.
Амброзием ебэныгъэныр Iофыгъо шъхьаIэу зэ­рэщытыр къыдилъытэзэ ГъэIорышIапIэм цIыфхэм агу къегъэкIыжьы къэ­гъэгъэнэу римыгъажьэзэ амброзием ебэныгъэнымкIэ Iофтхьабзэхэр зэра­хьэнхэу. Амброзием ыкIэ­хэр зыхэлъ мэкъумэщ культурэхэр апхъы, джащ фэдэу мы уцыжъым ыкIэхэр зыхэлъ продук­циер ащэ ыкIи чIэлъхьапIэхэм ащаIыгъы хъущтэп.
Россельхознадзорым Къыблэ шъолъырымкIэ и ГъэIорышIапI.