Мы къэкIорэ зыгъэпсэфыгъо мафэхэм футболымкIэ Адыгэ Республикэм икIымэфэ чемпионат илигищым ахэт командэхэм зичэзыу ешIэгъухэр яIэщтых.

Непэ «Джокерыр» «ВНГ-м» дешIэщт, ар пчэдыжьым сыхьатыр 10-м рагъэжьэщт. Ащ ыуж «Щагъ­дыир» «Штурмым» IукIэщт. Тыгъэгъазэм и 15-м стадионэу «Юность» зыфиIорэм пчэдыжьым сыхьатыр 10-м щегъэжьагъэу пчыхьэм 8-м нэс ешIэгъуипшI щыкIощт. Апэрэ лигэм щешIэхэрэ «Олимпымрэ» «Спортмастерымрэ» язэIукIэгъукIэ мафэр аублэщт. Ащ ыуж апшъэрэ лигэм хэт командэхэр ешIэщтых: «АГУ» — «Урожай» (сыхьатыр 11-м), «МКУ СОЦ» — «СШОР-2008» (сыхьатыр 12-м), «Картонтара-Шытхьал» — «МФОК Ошъутен» (сыхьатыр 1-м).
Мафэм сыхьатыр 2-м щегъэ­жьагъэу апэрэ лигэм хэт командэхэр зэIукIэщтых. Футболыр зыгу рихьыхэрэм ашIогъэшIэгъоныщт командэхэу «Легион» — «МФОК Ошъутен», «Тульскэр» — ­«Ошъутен» яешIэгъухэр.
Мыхэм анэмыкIэу апэрэ лигэм командэхэу мы мафэм зэIукIэщтхэр: «Хьатыгъужъыкъуай» — «СШОР-2009», «Дружина» — «Спортмастер-2», «Космос» — «Канониры», «Альянс» — «Кавказ Адэмый».