КъыткIэхъухьэрэ лIэужхэм япхыгъэ гъэсэныгъэ программэм елъытыгъэу Урысые обществэу «ШIэныгъэм» тематическэ зэIукIэ­хэр, лекториехэр, мастер-классхэр зэхещэх.

Ащ фэдэ зэIукIэхэр ары сэнэхьатэу къыхахыщтхэм ныбжьыкIэхэр нэIуасэ зыщафэхъухэрэр, зыфэгъэзэгъэ лъэныкъохэмкIэ шIэныгъэхэр зыщагъотыхэрэр.
IофшIэным епхыгъэ проектым иIофтхьабзэхэм ащыщым экспертэу хэлэ­жьагъ ыкIи къыщыгущы­Iагъ МКъТУ-м икъутамэу посел­кэу Яблоновскэм дэтым ипрофессорэу Алексей Мо­розовыр.
Мызыгъэгум кIэлакIэхэр джэгукIэу «Экономическэ зэкIэлъыкIуакIэм иедзы­гъохэр» зыфиIорэм хэтыгъэх. Интерактивнэ шап­хъэм илъэу бэдзэршIыпIэу щыIэхэм студентхэр нэIуа­сэ афэхъугъэх, инвести­циехэм ыкIи финансхэмкIэ щынэгъончъэ упчIэхэр афэ­гъэхьыгъагъэх.
Бизнес-тренингым хэлэжьагъэхэм ягъусэу экспертым зэхифыгъ экономическэ гъэсэныгъэ зиIэ­хэм финансовэ щынагъоу къыкъокIыхэрэр нахь макIэ ашIышъун зэралъэкIыщтыр, ащ къыхэкIэу бизнес-процессхэм языпкъитыныгъэ къызэраIэтышъущтыр.

«Финансовэ шIэныгъэр цифрэмэ Iоф адэпшIэшъун закъор арэп, ащ амал къыуеты финансовэ унэшъо тэрэзхэр пшIы­шъунхэу, уибюджет ыкIи уипшъэ­рылъ бгъэунэфынхэу. Инвестициехэм алъа­псэ, чIыфэштэным ыкIи мылъкур зыхэплъхьащтым ахэпшIыкIы хъумэ, финанс мыхъо-мышIагъэхэм за­щыбдзыен плъэкIыщт, уинеущырэ мафи зыпкъ ­итыщт», — къыIуагъ Алексей Морозовым.
ДжэгукIэм къыдилъытэ­рэ командэхэр студентмэ зэхащагъэх, бизнес-кейс­хэр зэхафыгъэх, бизнесым истратегие зэрэхагъэхъощтым тегущыIагъэх ыкIи сценариеу къыхахыгъэмкIэ унашъо гъэнэфагъэхэр аштагъэх. Ащ фэдэ екIо­лIакIэм ишIуагъэкIэ Iоф­тхьабзэм хэлажьэрэмэ ятеоретическэ шIэныгъэ­хэм ахагъэхъуагъ ыкIи бэ­дзэрым изытет Iофы­гъуабэхэм зэрялъытыгъэр практикэм щалъэгъугъ.
Финанс шIэныгъэ дэгъу зэряIэр студентмэ къа­гъэлъэгъуагъ, ашIогъэшIэгъонэу зэIукIэхэм ахэлэ­жьагъэх.
Алексей Морозовым къыкIигъэтхъыгъ: фи­нанс­хэм ягъэIорышIэн хэу­къоныгъэхэр хамышIы­хьанхэр, яунэе Iоф ра­гъэжьэныр, джащ фэдэу бизнесыр зэтырагъэ­псыхьаныр бэкIэ зэлъы­тыгъэр финансхэр зэра­гъэIорышIэрэр, финанс шIэныгъэу яIэр ары.