ТичIыпIэгъу лъапIэхэр!

Хэгъэгум и ЛIыхъужъхэм я МафэкIэ тышъуфэгушIо!
Тикъэралыгъо ифедэхэм якъэухъумэн зиIахьышхо хэзышIыхьэгъэ цIыфхэм ящытхъу непэ тэIо. Ахэм блэнагъэу ахэлъым, шIулъэгъоу, шъыпкъагъэу Хэгъэ­гум фыряIэм тарэгушхо, Урысыем къырыкIощтымкIэ пшъэдэкIыжь зэрахьырэр ныбжьыкIэхэм къагурыIонымкIэ, цIыфыгъэ ахэлъынымкIэ, хэгъэгупсэу щытынхэ зэрэфаемкIэ лIыхъужъхэр ренэу ящысэтехыпIэх.
ХэушъхьафыкIыгъэ дзэ операцием непэ хэлэжьэрэ дзэкIолIхэм, офицерхэм псэемыблэжьыныгъэшхоу ахэлъым къегъэлъагъо цIыф лъэпкъыбэ зыщызэдэ­псэу­рэ Урысыем илъ хэбзэшIухэр нахь пытэ зэрэ­хъу­хэрэр, Хэгъэгум иухъумакIохэм теубытагъэрэ лIыгъэрэ зэрахэлъыр, гу кIочIэшхо зэряIэр. Ахэм лIы­хъужъныгъэу зэрахьагъэр тихэгъэгу итарихъ егъэ­шIэрэу къыхэнэжьыщт, сыд фэдэрэ ушэтыпIи зэпачынымкIэ ишIуагъэ къэкIощт.
Украинэм инеонацизмэ пэуцужьырэ тикIалэхэм тыгу къыддеIэу тафэлъаIо текIоныгъэ къыдахынышъ, псынкIэу ядэжь къагъэзэжьынэу! Хэгъэгум и ЛIы­хъужъхэм щытхъур адэжь! Республикэм ис пстэуми яIофшIэн гъэхъагъэхэр щашIынэу, Адыгеимрэ Урысыемрэ апае текIоныгъакIэхэр къыдахынхэу афэтэIо!
Адыгэ Республикэм и ЛIышъхьэу, Урысые
политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр