ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «СМК» зыфиIорэм ипащэщтыгъэу КIуай Мурат фэгъэхьыгъэ унашъоу хьыкумым ышIыгъэм хэбзэ кIуачIэ иIэ хъугъэ. Урысыем и Уголовнэ кодекс ия 195-рэ статья иа 1-рэ Iахь къыдилъы­тэрэ бзэджэшIагъэ (банкрот лъэхъаным хэбзэнчъэу зе­кIуагъ) ащ зэрихьагъ.

Урысыем щынэгъончъэнымкIэ ифедеральнэ къулыкъу и ГъэIорышIапIэу Адыгэ Республикэм щыIэм къытыгъэ къэбархэмкIэ Адыгэ Республикэм и Следственнэ гъэIорышIапIэ уголовнэ Iофыр къыIэтыгъ. ГъэIорышIапIэм иIофышIэхэм зэрагъэунэфыгъэмкIэ, банкротыр къызэрэблагъэрэр зызэхешIэм, бюджетым ыпашъхьэкIэ чIыфэу телъыр ытыжьынэу фэмыеу, 2021-рэ илъэсым ежь иIахьыл горэм ифедэ хэлъэу балансым хэхьэрэ комплексыр рищэнэу зэзэгъыныгъэ ди­шIыгъ. А зэзэгъыныгъэр сомэ мин 900-м телъытагъэу щытыгъ. Амыгъэкощырэ мылъкум кадастрэ осэ шъыпкъэу иIагъэр сомэ миллиони 3 зэрэхъу­щтыгъэр.
Адыгэ Республикэм и Мыекъопэ къэлэ хьыкум Урысыем и Уголовнэ кодекс ия 195-рэ статья иа 1-рэ Iахь къыдилъытэрэ бзэджэшIагъэр М. Д. КIуаем зэрихьагъэу ылъытагъ ыкIи сомэ мин 200 ытыжьынэу тазырэу тырилъхьагъ.
Унашъом хэбзэ кIуачIэ иIэ хъугъэ.