Мысатыу организациеу «Фэтэрыбэу зэхэт унэхэм яигъэкIотыгъэ гъэцэкIэжьынкIэ Адыгэ республикэ фондыр» зыфиIорэм ипащэ къуалъхьэ къызэраIихыгъэм фэшI унашъоу ашIыгъэм хэбзэ кIуачIэ иIэ хъугъэ. Зигугъу къэтшIыгъэ организацием ипащэу Пщыгъон Руслъан Урысыем и Уголовнэ кодекс ия 204-рэ статья ия 2-рэ Iахь къыдилъы­тэрэ бзэджэшIагъэр (къуалъхьэ къа­Iыхыгъэныр) зэрэзэрихьагъэм фэшI хьыкумым унашъоу ышIыгъэм хэбзэ кIуачIэ иIэ хъугъэ.
Урысыем и Следственнэ комитет иследственнэ гъэIорышIапIэу Адыгэ Республикэм щыIэм уголовнэ Iофыр къыIэтыгъ ыкIи зэхифыгъ. АщкIэ IэубытыпIэ къызыфишIыгъэхэр щынэгъончъэ­н­ымкIэ Федеральнэ къулыкъум Адыгэ РеспубликэмкIэ и ГъэIорышIапIэрэ Адыгэ Республикэм хэгъэгу кIоцI Iоф­хэмкIэ и Министерствэ экономикэ щынэгъончъэнымкIэ ыкIи къолъхьэ тын-Iыхыным пэшIуекIогъэнымкIэ и Гъэ­IорышIапIэрэ зэдашIыгъэ уплъэкIунхэм къакIэкIогъэ материалхэр ары.
ЗэрагъэунэфыгъэмкIэ, Р. М. Пщыгъоным бэрэ къуалъхьэ къаIихыщтыгъ зипэщэ организацием зэзэгъыныгъэхэр къыдэзышIыщтыгъэ сатыу структурэ пстэуми япащэхэм.
Адыгэ Республикэм и Мыекъопэ къэ­лэ хьыкумым Р. М. Пщыгъоным фэгъэ­хьыгъэ унашъоу ышIыгъэм къызэрэщиIорэмкIэ, Урысыем и Уголовнэ кодекс ия 204-рэ статья ия 2-рэ Iахь къыдилъы­тэрэ бзэджэшIагъэр ащ зэрихьагъ. ­Р. М. Пщыгъоным тазырэу сомэ мин 700 тыралъхьагъ.
Унашъом хэбзэ кIуачIэ иIэ хъугъэ.
ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ ипресс-къулыкъу