Адыгэ Республикэм и Къэралыгъо Совет — Хасэм ия 41-рэ зэхэсыгъо 2024-рэ илъэсым тыгъэгъазэм и 9-м зэхащэ.

Iофыгъохэу зэхэсыгъом зыщатегущыIэщтхэм къыкIэлъыкIохэрэр ахагъэхьагъэх: законопроектхэу «Адыгэ Республикэм 2025-рэ илъэсымкIэ ыкIи 2026-рэ, 2027-рэ илъэсхэм яплан чэзыукIэ иреспубликэ бюджет ехьылIагъ», «Адыгэ Республикэм шIокI зимыIэ медицинэ страхованиемкIэ и ЧIыпIэ фонд 2025-рэ илъэсымкIэ ыкIи 2026-рэ, 2027-рэ илъэсхэм яплан чэзыукIэ ибюджет ехьылIагъ» зыфиIохэрэм, Адыгэ Республикэм и Законхэу «Лъэпкъ художественнэ IэшIагъэхэм яхьылIагъ», «Муниципальнэ образованиеу «Джэджэ районым» ыкIи ащ игъунапкъэхэм ягъэнэфэн яхьы­лIагъ», «Муниципальнэ образованиеу «Мыекъопэ районым» ыкIи ащ игъунапкъэхэм ягъэнэфэн яхьылIагъ», «Муниципальнэ об­разованиеу «Тэхъутэмыкъое районым» ыкIи ащ игъунапкъэхэм ягъэ­нэфэн яхьы­лIагъ», «Муниципальнэ образованиеу «Теуцожь районым» ыкIи ащ игъунапкъэ­хэм ягъэнэфэн яхьылIагъ» зыфиIохэрэм апэрэу ахэплъэгъэныр; законопроектхэу «Муниципальнэ образованиеу «Кощхьэблэ районым ыкIи ащ игъу­напкъэхэм ягъэнэфэн яхьылIагъ, «Муниципальнэ образованиеу «Шэуджэн районым» ыкIи ащ игъунап­къэхэм ягъэнэфэн яхьылIагъ», «Муниципальнэ образованиеу «Красногвардейскэ районым» ыкIи ащ игъунапкъэхэм ягъэ­нэфэн яхьылIагъ», «Муниципальнэ образованиеу «Адыгэ­къалэ» ыкIи къэлэ коим истатус ащ еты­гъэным, игъунапкъэхэр гъэ­нэфэгъэнхэм яхьылIагъ», «Адыгэ Рес­публикэм и Законэу «Къалэу Мыекъуапэ» зыфиIорэм къэлэ коим истатус етыгъэным ыкIи ащ игъунапкъэхэр гъэнэфэгъэнхэм яхьылIагъ», «Адыгэ Республикэм икъэлэ шъхьаIэ истатус ехьылIагъ», «Адыгэ Рес­публикэм щыпсэурэ куп гъэнэфагъэхэм унапкIэмрэ коммунальнэ фэIо-фашIэхэм атефэрэмрэ афэлъэгъужьыгъэнхэмкIэ Адыгэ Республикэм икъэралыгъо полномочие зырызхэр чIыпIэ зыгъэIорышIэ­жьыным икъулыкъухэм афэгъэзэгъэнхэм ехьылIагъ», «Адыгэ Республикэм машIом зыкъыщемыгъэштэгъэным ехьылIагъ» зыфиIохэрэм апэрэу ахэплъэгъэныр ыкIи нэмыкI Iофыгъохэр.
Адыгэ Республикэм и Къэралыгъо Совет — Хасэм изэхэсыгъо иIофшIэн пчэдыжьым сыхьатыр 10-м ригъэжьэщт. Ар зыщыкIощтыр Адыгэ Республикэм и ЛIы­шъхьэ и Координационнэ гупчэу Жуковскэм иурам тет унэу N 22-м хэтыр ары.
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр