Адыгеим ихэбзэухъумэкIо ­къулыкъухэр 1963-рэ илъэсым Мыекъопэ районым къыщыхъугъэ Козменко Николай Виктор ыкъом лъэхъух.
Следствием зэригъэунэфы­гъэмкIэ, къалэу Мыекъуапэ щыщ хъулъфыгъэу зихьадэ республикэм икъэлэ шъхьаIэ икъэхэлъакIэ 2023-рэ илъэсым шэкIогъум и 4-м къыщагъотыгъэр зыукIыгъэм ар ахэтыгъ.
ИтеплъэкIэ Н. В. Козменкэм сантиметри 165 — 170-рэ илъэгагъ, оды, шъхьац сырыф кIако телъ, ышъхьац тIэкIу икIыгъ, ынэхэр шхъонтIэшъо-ежьашъох.
Адыгэ Республикэм хэгъэгу кIоцI IофхэмкIэ и Министерствэ бзэджашIэр зыдэщыIэ чIыпIэр къэзыIорэм, бзэджэшIагъэм изэ­хэфынкIэ къашъхьэпэщт къэбар къаIэкIэзыгъахьэрэм сомэ мини 100 ритыщт.
Козменко Николай зыдэщыIэм фэгъэхьыгъэ къэбар горэ зыIэ­кIэлъхэм тялъэIу телефонхэу 8-903-465-00-73-мкIэ, 8-928-469-21-08-мкIэ, 8-988-081-24-40-мкIэ, (8772) 52-26-32-мкIэ, 02-мкIэ е 102-мкIэ афытеонхэу. Джащ фэ­дэу полицием иотделэу нахь къа­пэблагъэми ахэм зыфагъэзэн алъэкIыщт.
АР-м хэгъэгу кIоцI IофхэмкIэ
и Министерствэ ипресс-къулыкъу