ПанкратионымкIэ Урысые зэнэкъо­къухэр шэкIогъум и 30-м щегъэжьагъэу тыгъэгъазэм и 1-м нэс рагъэ­кIокIыгъэх.

Советскэ Союзым и ЛIыхъужъэу Къош Алый ишIэжь фэгъэхьыгъэ турнирым къэралыгъом ишъолъыр 23-мэ къарыкIыгъэ спортсмен 330-м ехъу хэлэжьагъ.
Шэпхъэ панкратионымкIэ зэнэкъокъум Чэ­чэн Республикэм ­икомандэ текIоныгъэр къыщыдихыгъ, Къэрэщэе-Черкесым илIыкIо­хэм ятIонэрэ чIыпIэр афагъэшъошагъ, ящэнэрэ хъугъэ Темыр Осетиер — Аланиер.
Классическэ панкра­тионымкIэ зэнэкъокъум щатекIуагъ Адыгэ Рес­публикэм икомандэ, Къэ­рэщэе-Черкес ыкIи Чэчэн республикэхэм хагъэунэфыкIырэ чIыпIэхэр къыдахыгъэх.
Тиреспубликэ илIыкIохэу Брыцу Адам, Александр Дзеньдзюк, Дмитрий Петрушиным, Баджэ Дамир, Джамырзэ Долэт текIоныгъэр къыдахыгъ.
Джащ фэдэу мы Iоф­тхьабзэм къыдыхэлъы­тагъэу панкратионымкIэ кIэлэцIыкIу лигэм хэтхэр зэнэкъокъугъэх. 2010-рэ илъэсым нэс къэхъугъэ спортсмен 224-мэ зау­шэтыгъ.