Адыгэкъалэ дэт физкультурнэ комплексэу Лъэцэр Хьазрэт ыцIэ зыхьырэм футболымкIэ турнир щызэхащагъ.

ПсэупIэм хэхъоныгъэхэр ышIынхэм зиIахьышIу хэлъэу, шIушIэ Iофтхьабзэхэм язехьакIоу, футбольнэ клубэу «Асбир» зыфиIорэм икIэщакIоу ШъонтIыжъ Нурбый ишIэжь ар фэгъэхьыгъагъ.
Зэнэкъокъур ящэнэрэу рагъэкIокIыгъ. Адыгэкъалэ, Мыекъуапэ, Кощхьэблэ, Теуцожь, Тэхъутэмыкъое, Красногвардейскэ, Джэджэ ыкIи Шэуджэн районхэм якомандэхэр ащ хэлэжьагъэх. ТекIоныгъэр Адыгэкъалэ къыдихыгъ, ятIонэрэ чIыпIэр Красногвардейскэ районымкIэ къуаджэу Улапэ икомандэ фагъэшъошагъ, Джэджэ районыр ящэнэрэ.