Тиспортсменхэм тагъэгушIагъ
СамбэмкIэ Къыблэ федеральнэ шъолъырым ипервенствэ Ермэлхьаблэ щыкIуагъ. Къэралыгъом ишъолъыр зэфэшъхьафхэм яспортсмени 100-м ехъумэ заушэтыгъ.
Адыгеим илIыкIохэм гъэхъэгъэшIухэр ашIыгъэх, хагъэунэфыкIырэ чIыпIэхэр къыдахыгъэх. ТекIоныгъэр къафагъэшъошагъ СтIашъу Эльдаррэ Анцокъо Амиррэ. Хъот Тамирлан, Бэгъ Салим ыкIи Камила Дзагаловам ятIонэрэ чIыпIэр къахьыгъ. Батмэн Амин, ШъэуапцIэкъо Ибрахьим, Милана Дзагаловар, Диана Лобановар ящэнэрэ хъугъэх.
ТекIоныгъэр ыкIи хагъэунэфыкIырэ чIыпIэхэр къэзыхьыгъэхэм самбэмкIэ Урысыем ипервенствэ хэлэжьэнхэу фитыныгъэ къыдахыгъ. Ар 2025-рэ илъэсым мэзаем къалэу Пензэ щыкIощт.