ЗыфасIорэр троллейбусыр ары. ШэкIогъум и 29-м илъэс 50 мэхъу Мыекъуапэ троллейбусхэр щызекIохэ зыхъугъэр.

Къалэм ищыIэкIэ-псэукIэкIэ хъугъэ-­шIэгъэ гушIуагъо хъугъэ шэкIогъум и 29-м, 1974-рэ илъэсым троллейбус линиер апэрэу зэрэщатIупщыгъэр. Ащ непэ къалэм ирайонхэр зэкIэ зэрепхых.
Апэрэ мафэм маршрутитIум троллейбусих атетыгъ, линием километрэ 14 икIыхьэгъагъ. Троллейбус гъэIорышIапIэм апэрэ пащэу иIагъэр Г.О. Локшиныр ары. Ащ къыщегъэжьагъэу нахьышIумкIэ гъэзагъэу бэ зэхъо­кIыгъэр: материальнэ-техническэ лъапсэр пытагъэ, троллейбус линиехэм ахагъэ­хъуагъ ыкIи маршрутхэм япчъа­гъэ нахьыбэ ашIыгъ.
Тикъэлэ шъхьаIэу МыекъуапэкIэ непэрэ мафэми анахь общественнэ транспорт гупсэфэу ыкIи цIыфхэр зыгъэразэу троллейбусыр къэнэжьы. Илъэс 50 хъугъэу тынчэу, гупсэфэу ащ цIыфхэр зэрещэх. Коллектив шIагъом хэтхэм ямэфэкI инкIэ тыгу къыд­деIэу тафэгушIо, тапэкIи яIоф агъэшIоу апэкIэ лъыкIотэнхэу, къэлэдэсхэр агъэразэхэу чанэу Iоф ашIэнэу та­фэлъаIо.
Мамырыкъо Нуриет.