КикбоксингымкIэ республикэм изэIухыгъэ турнир Мыекъуапэ щыкIуагъ. Урысыем изаслуженнэ тренерэу Сихъу Казбек ишIэжь ар фэгъэхьыгъагъ.

Спортсменхэр лъэныкъохэу «лайт-контакт», «фулл-контакт», «лоу-кик» ыкIи «К1» зыфиIохэрэмкIэ зэнэкъокъугъэх. Урысыем ишъолъыри 6-мэ къа­рыкIыгъэ спортсмен 300-м ехъумэ заушэтыгъ, хагъэунэфыкIырэ чIыпIэхэм афэбэнагъэх.

Адыгеир Iофтхьабзэм къыщызыгъэлъэгъуагъэхэр къалэу Мыекъуапэрэ Тэхъутэмыкъое районымрэ яспорт еджапIэхэм защызыгъасэхэрэр ары. ТикIалэхэм физическэ ухьазырыныгъэ дэгъу къагъэлъэгъуагъ. ХэшыпыкIын едзыгъом ыуж республикэм илIыкIо 30-м ­ехъур финалым зэрихьагъэр къэ­нэфагъ.

Зэфэхьысыжьхэм къызэрагъэ­лъэгъуагъэмкIэ, Мыекъуапэ икомандэ текIоныгъэр къыди­хыгъ, ятIонэрэ чIыпIэр Краснодар краим илIыкIохэм афагъэшъошагъ, псэупIэу Яблоновскэм испортсменхэр ящэнэрэх.