Адыгеим шахматхэмкIэ ифедерацие иапэрэ пащэу Джыгунэ Къадырбэч ишIэжь фэгъэхьыгъэ зэнэкъокъум апэрэ чIыпIэр къыщыдихыгъ Краснодар краир къэзыгъэлъэгъорэ Антон Литвиновым.

Iофтхьабзэм зэкIэмкIи нэбгырэ 29-рэ хэлэжьагъ. РейтингымкIэ спортсмен анахь лъэшхэу Антон Литвиновымрэ Александр Цысьрэ аужырэ турым щызэIукIагъэх. А. Литвиновым очкоуи 6 ригъэкъугъ ыкIи апэрэ хъугъэ. ЯтIонэрэ чIыпIэр къыдихыгъ Мыекъуапэ щыщ Даниил Козленкэм, ящэнэрэр — Александр Цысь.