Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ зэрихьэгъэ оперативнэ-лъыхъон Iофтхьабзэхэм яшIуагъэкIэ Гурыт Азием къыщыхъугъэхэу Адыгеим исхэр террористическэ организацием хэзыщэ зышIоигъуагъэхэм ягъогупэ пыбзыкIыгъэ хъугъэ.

Нафэ къызэрэхъугъэмкIэ, радикальнэ еплъыкIэ зиIэхэм ислъам диныр зымылэжьыхэрэр укIыгъэнхэ фаеу цIыфхэм агурагъаIощтыгъ, Урысыем щызэхащэ мыхъущт дунэе террористическэ организацием хэлэжьэнхэм ахэр кIагъэгушIущтыгъэх. Мессенджерхэр къызыфагъэфедэзэ, Мыекъуапэ дэс пшъэшъэжъыехэу зыныбжь имыкъугъэхэм ащ хащэхэ ашIоигъоу пчъагъэрэ адэгущыIагъэх. Пщыныжь ягъэхьыгъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ иколониеу N 1-м къепхыгъэ следственнэ изоляторым чIэсхэзэ, террористическэ организацием хэтхэм адырагъаштэщтыгъ, террористическэ Iофхэм ахэлэжьэнхэу изоляторым къадисхэм къяджэщтыгъэх.
Урысыем и Следственнэ комитет Адыгэ РеспубликэмкIэ иследственнэ гъэIорышIапIэ Урысые Федерацием и Уголовнэ кодекс ия 205.5-рэ статья ия 2-рэ Iахь, ия 205.1-рэ статья иа 1.1-рэ Iахь зигугъу къашIырэ бзэджэшIагъэхэр зэрахьагъэкIэ зэгуцафэхэрэм уголовнэ Iофхэр къафызэIуихыгъэх.
Уголовнэ IофхэмкIэ мэхьанэ зиIэ материалхэм якъэугъоин тегъэпсыхьэгъэ следственнэ Iофтхьабзэхэр лъагъэкIуа­тэх.
Урысыем щынэгъончъэнымкIэ и Федеральнэ кулыкъу
Адыгэ РеспубликэмкIэ
и ГъэIорышIапIэ ипресс-къулыкъу