Къэлэ спорт еджапIэр къахэщыгъ
Теннис цIыкIумкIэ Мыекъуапэ ипервенствэ мы блэкIыгъэ зыгъэпсэфыгъо мафэхэм рагъэкIокIыгъ.
Гурыт еджапIэу N 13-м щыкIогъэ турнирым зыныбжь илъэс 20-м шIомыкIыгъэхэр щызэнэкъокъугъэх, зэкIэмкIи нэбгырэ 57-рэ.
Медаль 24-м щыщэу 22-р къэзыхьыгъэхэр къэлэ спорт еджапIэу С. М. Джэнчатэм ыцIэ зыхьырэм зыщызыгъасэхэрэр ары. Артем Вариводинымрэ Ирина Славновамрэ лъэныкъо щырыщкIэ текIоныгъэр къыдахыгъ. Джащ фэдэу дышъэ медальхэр къафагъэшъошагъэх Адам Матюшинымрэ Гъыдзэ Самирэрэ.