Мыекъуапэ икомандэ ятIонэр
Лъэс зекIонымкIэ Урысыем ичемпионат хэлэжьагъ ыкIи ятIонэрэ чIыпIэр къыщыдихыгъ командэу «Мыекъуапэ 01-м».
БлэкIыгъэ илъэсым республикэм икъэлэ шъхьаIэ илIыкIохэм ящэнэрэ чIыпIэр къафагъэшъошэгъагъ, джы ятIонэрэ хъугъэх. ТекIоныгъэр къэзыхьыгъэр Сургут икомандэу «Искоркэр» ары. Ящэнэрэ чIыпIэр къылэжьыгъ Белгородскэ хэкум икъалэу Валуйки къэзыгъэлъэгъогъэ «ЗОЖ.31.Вал» зыфиIорэм.
Iофтхьабзэм къэралыгъом ишъолъыр зэфэшъхьафхэм якомандэ 530-рэ хэлэжьагъ. Арышъ, Мыекъуапэ илIыкIохэм тыжьын медальхэр къызэрахьыгъэхэр гъэхъэгъэшIоу плъытэн фае.