ШэкIогъу мазэм и 26-м къыщыублагъэу и 29-м нэс Азербайджан къикIыгъэ предпринимательхэр республикэм ихьакIэщтых. Экспортым IэпыIэгъу фэ­хъугъэнымкIэ АР-м и Гупчэ Iофтхьабзэм кIэщакIо фэхъугъ.

Ащ къызэрэщаIуагъэмкIэ, шэкIогъум и 27-м Адыгеим ипредпринимателэу зипро­дукцие IэкIыбым зыгъакIо­хэрэр е ащ фэдэ гухэлъ зиIэхэр Азербайджан ибизнесменэу къуаехэр, тхъу, дагъэ зыфэпIощтхэр, IэшIу-­IушIухэр, шъон пытэ зыхэлъ продукциер, пхъэм хэшIы­кIыгъэ пхъэчайхэр, джэха­шъом тырадзэхэрэр зыщэфынэу фаехэм аIукIэщтых. ШэкIогъум и 28-м хьакIэхэм шъолъырым ихъызмэтшIапIэхэм ащыщхэр къакIухьащтых.
Адыгэ Республикэм игурыт ыкIи ибизнес цIыкIу ­ащылажьэу, итовар IэкIыбым зыгъакIохэрэр е ар зэхэзыщэмэ зышIоигъохэр Iофтхьабзэм хэлэжьэнхэу рагъэ­благъэх. Ащ экспортым Iэпы-­
Iэгъу фэхъугъэнымкIэ Гупчэм лъэIу тхылъ къыфэжъугъа­хьынэу ары ныIэп ищыкIа­гъэр. Ащ шIыкIэу иIэщтыр къыкIэупчIэрэм фагъэхьыщт. Мары телефонымрэ элек­троннэ адресымрэ: +7(8772)57-97-90, info@export0I.ru.
УФ-м и Президент кIэщакIо зыфэхъугъэ лъэпкъ проект­хэм ащыщэу «Бизнес цIыкIур ыкIи гурытыр, предпринимательхэм IэпыIэгъу афэхъугъэ­ныр» зыфиIорэм къыдыхэ­лъытагъэхэр гъэцэкIэгъэнхэм фэшI Гупчэм мыр зэрэзэхищагъэм къыкIэтэгъэтхъы.