Мыекъопэ спорт еджапIэу С. М. Джэнчатэм ыцIэ зыхьырэм икомандэ гандболымкIэ Урысые зэнэкъокъум ифиналныкъо зэрихьагъэм ишIуагъэ­кIэ ащ къыкIэлъыкIорэ ­едзыгъом хэлэжьэнэу фитыныгъэ къыдихыгъ.

Зыныбжь илъэс 15-м емыхъугъэ пшъашъэхэр турнирым хэлажьэх.
Тренер-кIэлэегъаджэу Валерий Гончар ыгъэсэрэ пшъашъэхэр Аст­рахань, Волгоград, Красно-
дар, Ростов-на-Дону, Ставрополь ялIыкIохэм аIукIагъэх. ЗэкIэмкIи команди 9 зэнэкъокъугъ, ахэр къы­кIэлъыкIорэ уцугъом хэлэжьэн­хэмкIэ путевки 5-мэ афэбэнагъэх. Купхэр зыщызэнэкъокъугъэ­хэ едзыгъом Адыгеим икомандэ ятIонэрэ чIыпIэр къыщихьыгъ, те­кIоныгъэр къыдэзыхыгъэр «Академия гандбола» (Краснодар).
Ащ ыуж тикомандэ Волгоград къэзыгъэлъэгъорэ «Дина­мэм» IукIагъ ыкIи ешIэгъур къы­шIуихьыгъ. Ау нэужым «Академия гандбола» зыфиIорэм иятIо­нэрэ командэ къытекIуагъ. Апэрэ чIыпIитIур Краснодар илIыкIо­хэм аубытыгъ, Астрахань испорт еджапIэу В.А. Гладченкэм ыцIэ зыхьырэрэ ящэнэрэ хъугъэ. ­Адыгеим икомандэ яплIэнэрэ чIыпIэр ыубытыгъ.