Теннис цIыкIумкIэ заушэты
Республикэм икъэлэ шъхьаIэ икIэлэеджакIохэм я Спартакиадэ къыдыхэлъытагъэу теннис цIыкIумкIэ зэнэкъокъухэр рагъэкIокIых.
Мы тхьамафэм нахьыжъхэм якупхэм ахэтхэр ары зызыушэтыхэрэр.
Шъугу къэдгъэкIыжьын, гъэсэныгъэм иорганизациехэм ащеджэхэрэм япчъагъэ елъытыгъэу ахэр купитIоу агощыгъэх. Нэбгырэ мин нахь макIэ зычIэсхэм якуп команди 9 щызэнэкъокъугъ. БлэкIыгъэ илъэсым текIоныгъэр къыдэзыхыгъэ гурыт еджапIэу N 13-р мыгъи анахь лъэшыгъ. ЯтIонэрэ чIыпIэр къутырэу Гавердовскэм дэт гъэсэныгъэм и Гупчэу N 18-м къыдихыгъ, Мыекъопэ гимназиеу N 5-р ящэнэрэ хъугъэ. Непэ апэрэ купым хэт командэхэр зэнэкъокъущтых.