Журналистикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэнымкIэ Комиссием зэхэсыгъоу иIагъэм 2024-рэ илъэсым журналистикэм ылъэныкъо­кIэ Адыгэ Республикэм и ЛIышъхьэ ишIухьафтын зыфэгъэшъошагъэмэ хъущт творческэ IофшIагъэхэм якъэ­гъэлъэгъон епхыгъэ Iофыгъом щыхэплъагъэх.

Гъэзетхэмрэ (журналхэмрэ) къахаутыгъэхэм журналистикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэным пае журналист IофшIэгъэ 13-мэ ахэплъэнхэу унашъо аштагъ:
— республикэ гъэзетэу «Советскэ Адыгеим» иобозревателэу В. Н. Киселевым истатьяу «Дефицит компетенций?» зыфиIоу 2024-рэ илъэсым чъэпыогъум и 1-м мы гъэзетым къихьа­-
гъэм;
— республикэ гъэзетэу «Советскэ Адыгеим» иобозревателэу Г. В. Шевелевам истатьяу «Рустам Барчо: Помогаю людям обрести силу рода» зыфиIоу 2024-рэ илъэсым гъэтхапэм и 22-м мы гъэзетым къихьагъэм;
— республикэ гъэзетэу «Советскэ Адыгеим» иобозревателэу Е. Ю. Нужнаям истатьяхэу «Во все тяжкие» зыфиIохэу наркобизнесым фэгъэхьыгъэхэу 2024-рэ илъэсым гъэтхапэм и 5-м, и 21-м, мэлылъфэгъум и 25-м, шышъхьэIум и 15-м мы гъэзетым къыщыхаутыгъэхэм;
— республикэ гъэзетэу «Адыгэ ма­къэм» иобозревателэу И. Б. Хьабэхъум истатьяу «Уахътэм хэмыкIодэгъэ сурэтыр» зыфиIоу 2024-рэ илъэсым бэдзэогъум и 24-м мы гъэзетым къихьагъэм;
— республикэ гъэзетэу «Адыгэ ма­къэм» иобозревателэу Ф. А. КIарэм истатьяу «Нэхъоир къябэкIэу мэпсэух» зыфиIоу 2024-рэ илъэсым гъэтхапэм и 19-м мы гъэзетым къихьагъэм;
— гъэзетэу «Майкопские новости» иредактор шъхьаIэ игуадзэу Т. В. Филоновам истатьяу «Анатолий Жданов: «Мне интересны новости, о которых говорит весь мир» зыфиIоу 2023-рэ илъэсым Iоныгъом и 19-м мы гъэзетым къыщыхиутыгъэм;
— Кощхьэблэ районым иинформационнэ гупчэ зыкI пшъэдэкIыжь зыхьырэ исекретарэу Р. Р. Болэкъом истатьяу «Все сыновья, как один, — герои» зыфиIоу 2024-рэ илъэсым мэзаем и 21-м гъэзетэу «Кошехабльские вести» къыщыхиутыгъэм;
— гъэзетэу «Маякым» иобозревателэу А. И. Силаевым истатьяу «Андрей Мамонтов: «Я защищаю родину, как и мои предки» зыфиIоу 2024-рэ илъэсым мэзаем и 10-м мы гъэзетым къихьагъэм;
— гъэзетэу «Маякым» икорреспондент шъхьаIэу Н. Н. Мальцевам истатьяу «Весенняя хвастовня» зыфиIоу 2024-рэ илъэсым жъоныгъуакIэм 4-м мы гъэзетым къихьагъэм;
— гъэзетэу «Дружбэм» иредактор шъхьаIэу И. М. Ковалевам истатьяу «А наша сеть вновь едет на работу…» зыфиIоу 2024-рэ илъэсым Iоныгъом и 21-м мы гъэзетым къыщыхиутыгъэм;
— гъэзетэу «Единствэм» икорреспондентэу М. А. Устэкъом истатьяу «Один из безвести пропавших» зыфиIоу ­2024-рэ илъэсым Iоныгъом и 8-м мы гъэзетым къихьагъэм;
— гъэзетэу «Согласием» иредактор шъхьаIэу М. Хь. Болэтым истатьяу «Второе рождение Абубачира Мезужока» зыфиIоу 2024-рэ илъэсым шышъхьэIум и 24-м гъэзетым къыщыхиутыгъэм;
— гъэзетэу «Согласием» икорреспондентэу Б. М. Перекопскаям истатьяу «Одна за всех, мы за ценой не постоим…» победная весна «Мерем Сообцоковой» зыфиIоу 2024-рэ илъэсым чъэпыогъум и 11-м мы гъэзетым къыщыхиутыгъэм.
Теле-, радио къэтынхэм журналис­тикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэным пае журналист IофшIэгъи 6-мэ ахэплъэнхэу къагъэлъэгъуагъэх:
— адыгабзэкIэ ыкIи урысыбзэкIэ агъэхьазырыгъэ телерадиопроектэу «Бзылъфыгъэм иуахът» зыфиIорэм, авторхэр – Къэралыгъо телерадиокомпаниеу «Адыгеим» радиокъэтынхэмкIэ икъулыкъу ипащэу С. Н. ХьакIэмызыр, Къэралыгъо телерадиокомпаниеу «Адыгеим» телевидениемкIэ тематическэ къэтынхэр адыгабзэкIэ зыгъэхьазырырэ къулыкъум иотдел ирежиссерэу А. Хъ. Алхъоур;
— къуаджэу Блащэпсынэ дэс Шорэхэм яунэгъо Iужъу фэгъэхьыгъэ телекъэтынэу «Дэхэбын» зыфиIорэм, авторхэр — Къэралыгъо телерадиокомпаниеу «Адыгеим» тематическэ къэтынхэмкIэ икъулыкъу икъэтынхэр зезыщэрэ С. С. Нэгэрэкъор, операторэу В. Р. Балабась;
— телепроектэу «Право на адвоката» зыфиIоу Къэралыгъо телерадиокомпаниеу «Адыгеим» икъэтынхэр зезыщэрэ Р. Н. Ахэджагом зэхигъэуцуагъэм;
— Голдовхэм яунагъоу Урысые общественнэ шIухьафтынэу «Гордость нации-2024» зыфиIорэм илауреат хъугъэм фэгъэхьыгъэ информационнэ сюжетэу Мыекъопэ телевидением информациемкIэ ыкIи тематическэ къэтынхэмкIэ иотдел икорреспондентэу Э. А. Беляковам зэхигъэуцуагъэм;
— Хэгъэгум иухъумакIохэм яунагъо­хэм, волонтерхэм, дзэ техникэм икъэгъэлъэгъон афэгъэхьыгъэ сюжетхэу Мыекъопэ телевидением къэбархэмкIэ ыкIи тематическэ къэтынхэмкIэ иотдел икорреспондентэу С. Н. Абакумовам зэхигъэуцуагъэхэм;
— документальнэ фильмэу «Немеркнущее столетие. Драма и величие» зыфиIоу Тэхъутэмыкъое районыр зызэхащагъэр илъэси 100 зэрэхъурэм фэгъэхьыгъэм. Авторхэр — Тэхъутэмы­къое районым иинформационнэ гупчэ ипащэу Ф. А. КIубэр, Тэхъутэмыкъое районым иинформационнэ гупчэ имонтажерэу Ф. Н. Китариир, мы IофшIапIэм ифильмотекэ ипащэу Г. Ф. Кузнецовыр.
ШIухьафтыныр зыфэгъэшъошагъэмэ хъунэу Комиссием къыхихыгъэхэр мы илъэсым тыгъэгъазэм нахь мыгужъоу Адыгэ Республикэм и ЛIышъхьэ IэкIагъэхьащтых.