Мы щытхъуцIэр мыгъэ респуб­ликэм къыщызылэжьыгъэр къэнэфагъ. Ар къызщыхахыгъэ кIэух едзыгъор АР-м и Лъэпкъ тхылъ­еджапIэ щыкIуагъ. Районхэм ыкIи къалэхэм ятхылъеджапIэхэм яIофышIэхэу чIыпIэхэм апэрэ ащы­хъугъэхэр ащ хэлэжьагъэх. Зэнэ­къокъум къыдыхэлъытэгъэ гъэцэ­кIэнхэр къызэрагъэлъэгъуагъэхэм язэфэхьысыжьхэмкIэ Мыекъуапэ и Гупчэ тхылъеджэпIэ зэхэт икъута­мэу, тхылъеджапIэу N 2-м ипащэу УдыкIэко Ларисэ илъэсымкIэ тхылъеджапIэм иIофышIэ анахь дэгъу хъугъэ. АР-м культурэмрэкIэ иминистрэ игуадзэу, зэнэ­къокъум изэхэщэкIо куп итхьаматэу Кушъу Светланэрэ осэшI купым ипащэу КIыкI Бэллэрэ АР-м и Министерствэ ищытхъу тхылърэ ахъщэ шIухьафтынрэ ащ ратыжьыгъэх.
Шъугу къэдгъэкIыжьын, мы зэнэкъокъур илъэс къэс зэхащэ. СэнэхьатымкIэ IэпэIэсэныгъэу ахэ­лъым хэгъэхъогъэным, техно­логиякIэхэр IофшIэным хэгъэщэ­гъэнхэм ыкIи ежь тхылъеджапIэхэм яIофышIэхэм ежь ашъхьэкIэ заужьын амал яIэным ар тегъэ­псыхьагъ. «Культурэм хэхъоныгъэ егъэшIыгъэныр» зыфиIорэ къэралыгъо программэм къыдыхэлъы­тагъэу ар рагъэкIокIы.
Анцокъо Ирин.