ГандболымкIэ Урысые зэнэкъокъухэм яшъолъыр первенствэ иедзыгъо Краснодар щыкIуагъ. Зыныбжь илъэс 15-м шIомыкIыгъэ пшъашъэхэм заушэтыгъ.

Адыгеир къыгъэлъэгъуагъ Мые­къопэ спорт еджапIэу С.М. Джэнчатэм ыцIэ зыхьырэм икомандэ. Тренер-кIэлэегъаджэу Валерий Гончар ыгъэсэрэ пшъашъэхэм зэIукIэгъуи 4 яIагъ. Волгоград, Ростов-на-Дону ыкIи Ставрополь краим якомандэхэм къашIуахьыгъ, ау Краснодар краим испорт еджапIэу «Академия гандбола» зыфиIорэр къатекIуагъ. Краим илIыкIохэм купым апэрэ чIыпIэр щаубытыгъ. Мыщ фэдэ къэгъэлъэ­гъон дэгъум ишIуа­гъэкIэ финалныкъом ихьэгъэ команди 6-м ащыщ хъугъэ республикэм икъэлэ шъхьаIэ къэзыгъэлъэгъуагъэ­ри. Мыщ къыдыхэлъытэгъэ ешIэгъу­хэр къихьащт илъэ­сым имэзае яIэщ­тых.
Неущ купхэу ­«А-м» ыкIи «Б-м» якомандэ анахь дэгъухэр медальхэм афэбэнэнхэу рагъэжьэщт, Къыблэ федеральнэ шъолъырым анахь щылъэшыр къэ­нэфэщт. Мыекъуапэ игандболисткэхэр Краснодар, Волгоград ыкIи Астраханскэ хэкум ялIыкIохэм адешIэщ­тых.