Адыгэ Республикэм и Къэ­ралыгъо Совет – Хасэм ия 40-рэ зэхэсыгъо 2024-рэ илъэсым шэкIо­гъум и 19-м щыIэщт.

Iофыгъоу зытегущыIэщтхэм мы къыкIэлъыкIохэрэр ахагъэхьагъэх: законопроектхэу «Адыгэ Республикэм иреспуб­ликэ бюджет 2025-рэ илъэсымкIэ ыкIи 2026-рэ, 2027-рэ илъэсхэмкIэ яплан чэзыу ехьылIагъ», «Адыгэ Республикэм шIокI зимыIэ медицинэ страхованиемкIэ ичIыпIэ фонд 2025-рэ илъэсымкIэ ыкIи 2026-рэ, 2027-рэ илъэсхэмкIэ яплан чэзыу ехьылIагъ», «ХэушъхьафыкIыгъэ хэбзэIахь режимэу «ХэбзэIахьхэр ателъхьэгъэнхэмкIэ Автоматизированнэ къы­з­эрыкIо системэкIэ заджэхэрэм Адыгэ Республикэм чIыпIэу ыубытырэм кIуачIэ щыриIэ шIыгъэным ехьылIагъ» зыфиIохэрэм апэрэу ахэплъэгъэныр, Адыгэ Республикэм и Законхэу: «Адыгэ Республикэм иреспубликэ бюджет 2025-рэ илъэсымкIэ ыкIи 2026-рэ, 2027-рэ илъэсхэмкIэ яплан чэзыу ехьылIагъ», «Адыгэ Республикэм шIокI зимыIэ медицинэ страхованиемкIэ ичIыпIэ фонд 2025-рэ илъэсымкIэ ыкIи 2026-рэ, 2027-рэ илъэсхэмкIэ яплан чэзыу ехьылIагъ» зыфиIохэрэр ыкIи нэмыкI Iофыгъохэр.
Адыгэ Республикэм и Къэралыгъо Совет – Хасэм изэхэсыгъо пчэдыжьым сыхьатыр 10-м аублэщт, Адыгэ Респуб­ликэм и ЛIышъхьэ и Координационнэ гупчэу Жуковскэм иурам тет унэу ­
N 22-м хэтым ар щыкIощт.
Адыгэ Республикэм и Къэралыгъо Совет – Хасэм
и Тхьаматэу Владимир Нарожнэр